迪士尼 半價貨

睇blog友知道，duffy又有新衫，放工即刻入去買啦，入去就見到好多櫃台面放左好多半價貨就開始掃貨啦，大部份都係聖誕款，之前無買到，而家買，平好多，正！


雪人米妮好可愛

平時入迪士尼我都好鐘意掃半價ge罐食物，因為當d食物就到期就會半價出售，三十幾蚊度就有個罐，有糖，朱古力，餅，棉花糖食，食完個罐又可以裝野

婚嫁扭蛋

我好鐘意扭蛋，今日見到呢套扭蛋實在太正，一定要分享比各位blog友！
其實我有好多唔同扭蛋，不過呢幾套都係而家剛剛有得扭ge，要推介下

臨急之下邀請左羊羊夫婦擔任modle~

今次個蛋殼都好特別，感覺好似以前裝手飾個d紅色盒仔！


呢set 真係好靚，十蚊一個，扭左十三個先齊一set，不過唔排除我見到會再扭！



我係旺角銀行中心扭，見到佢放左d座台曆係台面，我八卦問下，係咪賣，原來係免費，拎左一個！


打開睇原來好靚，有唔同扭蛋，以下幾set都好鐘意，好想要，唔知出左未呢？

呢個係201314個日扭，係apm扭，係個d煮飯仔玩具

呢個都係今日銀行中心扭，其實一套六款，剩番巴斯，無扭到，八達通十二蚊個！

香港扭蛋代理ge facebook，有有扭蛋介紹！

https://www.facebook.com/pages/SMILING-CAPSULE/156215857812859?fref=ts

https://www.facebook.com/pages/Small-Toys/254819020456

最後：

呢個日曆砌場景應該ok wo，扭左一個，十蚊，不過我同事掛起左，個日曆會太重，會日曆同後面塊膠甩開

呢個利佳收起哂，一set 咁賣，120 set，奇趣98 set
扭就十五蚊一個！

呢個扭左好多個，扭黎扭去都係得左邊個四個 ><"

呢個想扭一個，但仲未見！

熊大兔兔登山遊

兔兔：嘩！呢度好靚呀！

兔兔：熊大，我幫你影張靚相先！

兔兔：合照！合照！

兔兔：yeah!再影再影！

兔兔：哎o也，唔夠高tim，搵人幫手先！

兔兔：錫錫！

熊大：望下呢度幾高，幾靚！

熊大：免免你咪掛住幫我影啦！

熊大：要一齊影先開心架嘛！

其實呢套衫係duffy衫黎架，本身見到平(買duffy產品，加50蚊就有啦)想買埋比個朋友，點知諗起有對line公仔，就幫佢地著左啦，哈哈，其實line公仔係頭大身細，根本就唔係好岩身，不過佢地成日無衫著好似好慘咁，我影到最尾先醒起我應該要幫佢地摺起件衫，哈哈！

201314

早一日係美心見到呢個蛋糕介紹，就好想食啦，因為我好鐘意色彩繽紛ge野，以前上網睇到有種蛋糕叫彩虹蛋糕就好想試架啦，就係今日咁特別ge日子，我就特登買左一個，同男友慶祝一下，個蛋糕盒好靚，連個紙袋都好靚，不過無影到，哈哈

係apm食完飯就過左去food court到食蛋糕，估唔到，見到隔離幾張台有班人都食緊呢個蛋糕wo haha~~~

個蛋糕會送一盒棉花糖比你，我鐘意佢可以自己設計，送比人ge話，可以買d生果自己砌，diy一個獨一無二ge cake！

材料有限，其實下面係一個能仔同兔仔，代表line公仔，熊大同兔兔！當然要有今日201314字啦！

嘩，切開左，真係好靚架，遲d同朋友都要再食過，影相一流，哈哈

食後感，其實個蛋糕我地食就覺得無唔同味，佢主要靠蛋糕與蛋糕之間ge水果調味，鐘意食cream就岩哂，佢係有超厚ge cream，紅色係士多啤梨，橙色係芒果，黃色係柚，綠色係奇異果，紫色話係芋頭味，但其實就唔覺有味，個蛋糕198，恆生enjoy卡會有九折，好似1月8號開始多d地方有買！